Azərbaycan Həmkarlar İttifaqları Konfederasiyasının üzv təşkilatı Səhiyyə İşçiləri Həmkarlar İttifaqı Respublika Komitəsinin təşkilatçılığı ilə martın 23-dən “Sağlamlığa doğru qaç” layihəsinə start verilib.
17 İyun - Tibb İşçilərinin Peşə Bayramı Gününə həsr olunan qaçış yarışları tibb işçilərinin asudə vaxtının səmərəli təşkili, fiziki sağlamlığın təşviqi və həmkarlar ittifaqı üzvləri arasında həmrəyliyin gücləndirilməsi məqsədilə təşkil edilib.
Respublikamızın tibb işçilərinin və digər peşə sahiblərinin qatıldığı idman tədbiri zonalar üzrə keçirilir. Hər zona üzrə qaliblər mükafatlandırılır və onlar Xankəndi şəhərində təşkil olunacaq yarışın final mərhələsində iştirak edəcəklər.
