Azərbaycan Həmkarlar İttifaqları Konfederasiyasının üzv təşkilatı Naxçıvan Həmkarlar İttifaqları Şurasının fəaliyyətinə könüllü olaraq qoşulan və ictimai fəallıqları ilə seçilən məzunlarla görüş keçirilib.
Görüşdə Şuranın sədri Qəzənfər Abdullayev məzunları təbrik edib, onların könüllülük fəaliyyətində göstərdikləri təşəbbüskarlığı yüksək dəyərləndirib. Bildirilib ki, bu cür gənclər cəmiyyətin müxtəlif sahələrində aktiv iştirak etməklə sosial həmrəyliyin gücləndirilməsinə töhfələr verirlər.
Məzunlar çıxış edərək Şurada könüllü fəaliyyətin onların şəxsi və peşəkar inkişafında mühüm rol oynadığını vurğulayıblar. Qeyd olunub ki, iştirak etdikləri tədbir və layihələr onlara həm bilik, həm də önəmli təcrübə qazandırıb.
Sonda fəallığı ilə seçilən məzunlara Naxçıvan Həmkarlar İttifaqları Şurası tərəfindən təşəkkürnamələr və “Ağbulaq” istirahət mərkəzinə ikigünlük istirahət kuponları təqdim olunub.
